O uso indebido das tecnoloxías

A introdución desta entrada será un pouco diferente xa que o tema xurdiu de forma moi espontánea. Adoitamos pensar que chega un momento do día no cal quedámonos sen contido do que falar pero, todo é cuestión de perspectiva. Unha noite estaba vendo unha recopilación de vídeos dun programa de televisión chamado Equipo de investigación.

Esta parte do episodio resultoume interesante e deixa claro sobre o que quero falar. Os usos indebidos que se lle poden dar ás tecnoloxías.

Na actualidade, as novas tecnoloxías en moitos aspectos o que fan é darlle unha gran facilidade ao ser humano (ou iso fanos crer); ademais, poden considerarse un factor fundamental na nosa vida cotiá, Que pasaría se lle damos un mal uso ás nosas capacidades tecnolóxicas?

Estes individuos que se dedican a facer este tipo de delitos, perden anos de estudo e de vida intentando fabricar pezas e desenvolver habilidades as cales serán utilizadas para sucesos delitivos. Son capaces de roubar un coche en menos de 30 segundos conectando un miniordenador ao sistema de mandos do vehículo o cal grava a información do coche nunha chave virxe.

Aínda que é certo que grazas ao desemprego aumenta a delincuencia, e estamos nun país onde lastimosamente a taxa de desemprego aumenta de forma acelerada, iso non nos dá o dereito de arrebatarlle as pertenzas a outras persoas que có seu esforzo puideron lograr obtelas. Creo que nunca tivo tanta razón o seguinte devandito: O vivo vive do bobo, e o bobo do seu traballo.